كيفاش تنقص فاتورة الستاغ بالطاقة الشمسية ؟ وشنوة قصة البطاريات الجديدة

كي تشوف فاتورة الستاغ تطلع عام بعد عام والاستهلاك متاعك هو هو، ما هيش غلطة في الحساب : هي طريقة الحساب بيدها. التعريفة في تونس بالشرائح، وكل ما تعدي شريحة، الكيلوواط يولي أغلى بياسر. آخر الكيلوواطات اللي تستهلكهم في الشهر يجيو تقريبا 7 مرات أغلى من الأولين.

+كيفاش الطاقة الشمسية تكسر الشرائح

كل كيلوواط تصنعو اللوحات متاعك فوق سطحك، هو كيلوواط ما عادش تشريه من الستاغ، ويتنحى أول ما يتنحى من الشرائح الغالية. وفي نظام الإنتاج الذاتي، الستاغ تركبلك عداد يخدم في الاتجاهين : النهار كي تصنع أكثر ما تستهلك، الزايد يمشي للشبكة، والليل ترجع تشد منها، والحساب يتعمل كيلوواط بكيلوواط.

النتيجة : كان التركيبة محسوبة مليح على قد استهلاكك، فاتورة الضو تولي صفر. موش إشهار، هذا هو القانون متاع الإنتاج الذاتي في تونس.

+وقداش يكلف الصفر هذا ؟

مع تمويل بروسول إلاك، عوض الفاتورة تخلص قسط قار يتقص من فاتورة الستاغ بيدها : قرابة 120 دينار في الشهر ل2 كيلوواط، وقرابة 160 دينار ل3 كيلوواط، على 6 سنين. كان فاتورتك الحالية أكثر من هكا، راك رابح من أول شهر. وفي الحالتين، بعد 6 سنين تبطل تخلص نهائيا، واللوحات تكمل تصنع أكثر من 20 سنة أخرين.

+والجديد : البطاريات ولات مرخصة

في 2026، الستاغ حطت إطار تقني جديد يرخص رسميا في بطاريات التخزين للتركيبات المنزلية المربوطة بالشبكة. يعني توّا تنجم تزيد بطارية باش الضو ما يقصش عليك وقت قطعان الكهرباء، وتخزن إنتاج النهار لليل. البطارية تزيد في التكلفة، أما للناس اللي يقص عليهم الضو برشا، ولات حل قانوني ومضمون.

تحب تعرف قداش بالضبط لدارك ؟ PSUN+ من سوسة تعملك دراسة مجانية على حساب فواتيرك : القوة اللي تلزمك، القسط بالضبط، ومع بطارية ولا بلاش. اطلب دراستك وخليك من الحسابات.